Жарысқа almaty-marathon.kz сайтында тіркелуге болады.
Бүкіл отбасымен бірге қатысуға болатын Summer Run кешкі жылы қалада жүгіру жарысы 17 шілдеде өтеді, деп хабарлайды Almaty-akshamy.kz.
Қолжетімді қашықтықтар: 12 шақырым, 8 шақырым скандинавиялық жүріс, 500 метрге, 1 және 3 шақырымға балалар жарысы (6 жастан асқан балалар).
Жарыс «Almaty ARENA» мұз сарайының аумағында өтеді және қатысушыларды күннің батуының әдемі көрінісімен қуантады. Тіркелу almaty-marathon.kz сайтында қолжетімді.
12 шақырым, 3 шақырым, 1 шақырым, 500 метр қашықтықтарда жас санаттарындағы жеңімпаздар медальмен, грамотамен, ақшалай және бағалы жүлделермен марапатталады. Жарыстың мәреге жеткен барлық қатысушылары естелік медалін алады.
Сонымен қатар, қазіргі уақытта 7 тамызда өтетін Visa Tour of World Class Almaty велосипед жарысына, 25 қыркүйекте өтетін «Алматы марафонына» және 30 қазанда өтетін Turkistan Marathon жарысына тіркелудің ашық екенін естеріңізге саламыз.