Колледж директоры автокөлік жөндеу, логистика, теміржол және жолаушылар тасымалы салаларындағы кәсіптердің ерекшеліктері мен маңызын түсіндірді, деп хабарлайды aqshamnews.kz тілшісі.
Алматы қаласы Жолаушылар көлігі және технологиялар колледжінің басшылығы мен оқытушылары Алматы қаласындағы балалар колониясында жазасын өтеп жатқан жасөспірімдермен кездесу өткізді.
Кәсіптік бағдар беру іс-шарасы барысында қазіргі таңда еңбек нарығында сұранысқа ие мамандықтар туралы ақпарат берілді. Колледж директоры С.Сүлейменов автокөлік жөндеу, логистика, теміржол және жолаушылар тасымалы салаларындағы кәсіптердің ерекшеліктері мен маңызын түсіндірді.
Кездесуге қатысқан жасөспірімдер қазіргі уақытта дәнекерлеу ісі, шаштараз және тігін тігу бағыттары бойынша білім алып жатқанын айтты.
Іс-шараның негізгі мақсаты – жасөспірімдерге кәсіптік бағыт-бағдар беріп, олардың болашақ мамандығын таңдауға деген қызығушылығын арттыру. Сонымен қатар мұндай кездесулер жасөспірімдердің қоғамға қайта бейімделуіне және бостандыққа шыққаннан кейін еңбекке араласуына ықпал етеді.
Колледж өкілдері жасөспірімдерге білім алып, кәсіби дағдыларды меңгерудің маңыздылығын атап өтті.