Алматы санитарлық қауіпсіздікті сақтау және жұқпалы аурулардың таралуының алдын алу бойынша белсенді жұмыс жүргізуде. 2024 жылы қалада су, ауа мониторингі және қоғамдық орындарды дезинфекциялауды қамтитын эпидемияға қарсы ауқымды іс-шаралар өткізілді. Бұл туралы Алматы қаласының санитарлық-эпидемиологиялық бақылау департаментінің басшысы Қасымхан Алпысбайұлы Өңірлік коммуникациялар қызметінің баспасөз конференциясында хабарлады, деп хабарлайды aqshamnews.kz
«Алматы кене энцефалитінің эндемикалық аймағында орналасқан, сондықтан саябақтарды, орман алқаптары мен су айдындарын өңдеуге ерекше көңіл бөлінеді», - деді Алматының бас мемлекеттік санитарлық дәрігері.
Оның айтуынша, профилактика аясында 4 733 гектар аумақта орман алқаптары мен саябақтарды өңдеу жұмыстары жүргізілді. Безгек масаларымен күресу үшін 74,4 гектар су қоймасы өңделді. Қолданылған «Дельтэкс» препараты 100% тиімділік көрсетті.
Сондай-ақ Қасымхан Алпысбайұлы Алматыда тұрғындардың санитарлық қауіпсіздігін қамтамасыз ету жұмыстары жалғасып жатқанын атап өтті. 2024 жылы 16 мың нысан бақылауда болса, оның 5930-ы эпидемиологиялық маңызы жоғары.
«Біздің қызметтеріміз ықтимал індеттердің алдын алу және алматылықтардың өмір сүруіне қауіпсіз жағдай жасау үшін тәулік бойы жұмыс істейді. Біз қаладағы кәсіпорындарға, су қоймаларына және ауаға қатаң санитарлық бақылау жүргіземіз», - деді Қасымхан Алпысбайұлы.
Қабылданған шаралардың арқасында Алматыдағы эпидемиологиялық жағдай тұрақты, ал инфекциясының көпшілігімен сырқаттанушылық деңгейі республикалық көрсеткіштен төмен. Қабылданған шаралардың арқасында Алматыдағы эпидемиологиялық жағдай тұрақты, ал инфекциялардың көпшілігімен сырқаттану деңгейі орташа, яғни республикалық деңгейден төмен болып отыр.