Алматы бөлімшелік көліктегі санитариялық-эпидемиологиялық бақылау басқармасының негізгі міндеттерінің бірі – халыққа сапалы мемлекеттік қызмет көрсету. Бұл қызметтер еліміздің заңнамасына сәйкес, азаматтардың құқықтарын қорғау және санитариялық-эпидемиологиялық қауіпсіздікті қамтамасыз ету мақсатында жүзеге асырылады.
Мемлекеттік қызмет көрсету барысында тең қолжетімділік, ашықтық, тиімділік және төрешілдікке жол бермеу қағидаттары қатаң сақталады. Барлық қызметтер "Электрондық үкімет" порталы (www.egov.kz, www.elicense.kz) арқылы көрсетіліп, жеке және заңды тұлғаларға тегін ұсынылады.
Алматы бөлімшелік көліктегі санитариялық-эпидемиологиялық бақылау басқармасы теміржол, су, әуе көліктері және метрополитен нысандарына қатысты мынадай үш мемлекеттік қызметті көрсетеді:
- Эпидемиологиялық маңызы жоғары нысандарға санитариялық-эпидемиологиялық қорытынды беру.
- Қоршаған ортаға зиянды заттардың әсері мен өнімдердің нормативтік талаптарға сәйкестігін растайтын санитариялық-эпидемиологиялық қорытынды беру.
- Тамақ өнімдерін өндіру нысандарына есептік нөмір беру және олардың тізілімін жүргізу.
Азаматтар мемлекеттік қызмет көрсету мәртебесін "Жеке кабинет" арқылы немесе 1414, 8 800 080 7777 бірыңғай байланыс орталығына хабарласып біле алады. Сондай-ақ, нашар көретіндерге арналған арнайы нұсқа портал арқылы қолжетімді.
Қызмет көрсетуге өтініш білдірген кезде кейбір жағдайларда заңнамаға сәйкес бас тартылуы мүмкін. Оған келесі себептер жатады:
- Ұсынылған құжаттар мен мәліметтердің дұрыс болмауы;
- Санитариялық-эпидемиологиялық талаптарға сәйкес келмеуі.
Мемлекеттік қызметтер туралы толық ақпарат gov.egov.kz порталында орналастырылған. Алматы бөлімшелік көліктегі санитариялық-эпидемиологиялық бақылау басқармасы халыққа қолжетімді және сапалы қызмет көрсетуді жалғастырады.