Қолөнер шеберлері дайындаған тұрмыстық бұйымдарын қала қонақтарының назарына ұсынды
Алматыда Республика күні қарсаңында «Ұлы дала ойындары» ұлттық фестивалі өтті, деп хабарлайды аlmaty-akshamy.kz.
Айту керек, бұл іс-шара 2016 жылдан бері ұйымдастырылып келе жатыр. Мәдени шара барысында қала қонақтары ұлттық ойындарды тамашалап, қазақ халқының салт-дәстүрімен де кеңірек танысты. Негізгі ойындардан бөлек, фестивальге келушілер, сондай-ақ, қолөнер шеберлері дайындаған тұрмыстық бұйымдардың көрмесін тамашалады.
– Ұлттық спорты, салт-дәстүрді үлгі-өнеге қылып бәріне дәріптеу мақсатында Алматы қаласы әкімдігінің қолдауымен іс-шаралар өтіп жатыр. Жамбы ату, теңге ілу, садақ ату, асық ойнау, күрес, көкпар және бәйге сынды ұлттық спорт түрінен жарыс өтеді , – деді қалалық бәйге федерациясының президенті Қуат Үсенов.
