Жетісу ауданының полиция қызметкерлері мен прокурорлары кәмелетке толмағандарды балалар колониясына алып барды.
Оларға заң бұзып, жазасын өтеп жатқан жас сотталғандардың күнделікті өмірі көрсетілді, деп хабарлайды aqshamnews.kz Polisia.kz-ке сілтеме жасап.
– Экскурсия полицияда есепте тұрған жасөспірімдерге ұйымдастырылды. Мұндай шаралар қиын жасөспірімдердің мінез-құлқын түзету үшін қажет. Негізгі мақсат – жасөспірімдер арасындағы қылмыстың алдын алу. Балаларға сотталғандардың қандай жағдайда жазасын өтейтіні, не істей алатыны және не істей алмайтыны туралы айтылды. Мұндай «экскурсиялардың» айтарлықтай профилактикалық әсері бар екеніне сенімдіміз, – деді Жетісу аудандық полиция басқармасының бастығы Жәнібек Шынасилов.