Өткен жылдың қаңтар-желтоқсан айлары аралығында пайдалануға берілген тұрғын үйдің жалпы ауданы - 15,4 млн шаршы метр. Бұл 2021 жылдың осы кезеңімен салыстырғанда 8,8%-ға аз.
Ұлттық статбюро есебінше, 2021 жылғы қаңтар-желтоқсанмен салыстырғанда, тұрғын үйді пайдалануға беру көлемі Алматы қаласында күрт азайған – 34,6%, Ұлытау облысында – 29,6%, Астана қаласында – 24,7%, деп хабарлайды Almaty-akshamy.kz ҚазАқпаратқа сілтеме жасап.
Республикалық көлемде пайдалануға берілген тұрғын үйлердің ең үлкен үлес салмағы - республикалық маңызы бар қалаларда.
Астанаға пайдалануға берілген барлық тұрғын үйдің 15,4% тиесілі, Алматыға – 11,2%, облыстар арасында Ақтөбе облысына – 8,1%.
Тұрғын үйдің жалпы санынан:
- 1 540 көп пәтерлі үйлер
жалпы ауданы – 8 843,9 мың м2, 8,5%
- 36 365 жеке тұрғын үйлер
жалпы ауданы – 6 499,8 мың м2, 7,4%
2022 жылғы қаңтар-желтоқсанда жалпы тұрғын үй алаңының 1 м2 құрылысына кеткен орташа нақты шығын 12,2%-ға өсті.