Алматыда қала күніне орай 300 мүмкіндігі шектеулі жандарға арналған танымал туристік орындарға тегін экскурсия ұйымдастырылды.
Жобаға қатысушылар Ботаникалық баққа, “Oi-Qaragai” таулы курортына және Қазақстан Республикасының Тұңғыш Президенті атындағы саябаққа барады, деп хабарлайды Almaty-akshamy.kz.
Айта кетерлігі, тамыз айының соңғы күндерінде жаңа оқу жылы қарсаңында да аз қамтылған және көп балалы отбасылардан шыққан 400 балаға , мүмкіндігі шектеулі 300 балаға тегін демалыс ұйымдастырылды. Халықтың әлеуметтік осал топтарына кіретін тұлғалар тізімін Алматы қаласының Жұмыспен қамту және әлеуметтік бағдарламалар басқармасы және Үкіметтік емес ұйымдармен орындалған.
Жобаның мақсаты - әлеуметтік, жастар және өлкетану туризмін дамыту. Бұл экскурсиялар аға және жас ұрпақты саяхатпен таныстыруға бағытталған. Негізгі көрікті жерлерге экскурсиялардан басқа, қатысушылар командалық рухты нығайту және туристік тәжірибені жақсарту үшін қызықты семинарларды ұйымдастырды. Еске салайық, 2022 жылы жобаға зейнеткерлік жастағы 500 тұлға, Аз қамтылған және көп балалы отбасылардан шыққан 250 бала және 200 бала мен 150 ересек мүгедектер қатыстырылды.
