1665 жол жұмысшысы жұмылдырылды.
Алматы қаласында 7 ақпан күні сағат 02.00-де жапалақтап қар жауа бастады. Сағат 13.00-дегі жағдай бойынша, қалада 8-10 см, тау етегі мен таулы аймақтарда 15-20 см қар жауды, деп хабарлайды Almaty-akshamy.kz.
Қар жауа салысымен көктайғақтың алдын алу үшін жолдарға көктайғаққа қарсы 1812 тонна материалдар себілді.
Жұмыс технологиясына сәйкес, жолдарда көктайғақты болдырмау үшін, көктайғаққа қарсы материалды шашпай тұрып қарды күреуге тыйым салынады.
Шашылған көктайғаққа қарсы материал қармен араластырылады, борпылдақ қар массасын қалыптасқан соң қар тазалау жұмыстары басталды.
«Қар тазалайтын негізгі топтар таңғы қарбалас уақыттан кейін сағат 9.00-ден бастап жолға шықты. Қаланың жоғарғы бөлігінде қарды тазалау жұмыстары сағат 7.00-ден бастап жүргізілді. Тазартылған жерлерге көктайғақтың алдын алатын материалдар себілді», - делінген Алматы қаласының Тұрғын үй саясаты басқармасының хабарламасында.
Бұдан басқа, қар жауғалы бері жаяу жүргіншілер жолы, жаяу жүргіншілерге арналған аумақтар, қоғамдық көлік аялдамалары, қоғамдық орындар тартылды.
Қардан тазарту жұмысына 611 бірлік арнайы техника, 205 құмлақтырғыш және 1665 жол жұмысшысы жұмылдырылды.
Аудандық әкімдіктер мен мердігер ұйымдарда қар тазалау жұмыстарының өндірісін бақылау үшін тәулік бойы кезекшілік ұйымдастырылған.