Медеу ауданының таулы аумағында топырақ тиеген КАМАЗ жолдан шығып кетіп, жарға құлады, деп хабарлайды аlmaty-akshamy.kz.
Топырақ тиеген КАМАЗ 8 маусымда, сенбіде таудан түсіп келе жатқан жолда апатқа ұшыраған.
Тауда түсіп келе жатқан көп тонналы көлік қандай жағдайда жарға қарай құлап, одан әрі домалап бетон қоршауларға соқтығысқаны әзірге белгісіз. Аударылу кезінде көлікке салынған топырақ толығымен шашылып қалған.
КАМАЗ құлау кезінде жолындағы қуатты электр бағанын қиратып, тереңдігі шамамен 20 метр болатын жарға құлаған. Жардың төменгі жағында өзен ағып жатыр.
Көлік апатынан жүргізуші дін аман.
Оқиға орнына келген дәрігерлер бригадасы зардап шеккен адамның аяғының сынғанын тіркеп, жақын маңдағы емдеу мекемесіне жеткізілді.
Оқиға орнында жол полициясының қызметкерлері жұмыс істеп жатыр, олар оқиғаның мән-жайын анықтайтын болады.
Сонымен қатар, электр желілерін қалпына келтіру үшін мамандар оқиға орнына шұғыл жетті.
Мамандар баған құлағанымен сым желілерінің үзілмегенін нақтылады. Бағандағы шам мен оған қосылған интернет желісі үзілген. Қазір мамандар оқиға салдарынан құлаған бағанды қалпына келтіріп, шығын көлемін есептеуде.