«Жанашыр жүрек» қайырымдылық акциясы
Алматы қаласының волонтерлері мен волонтерлік ұйымдары Республика күніне орай «Жанашыр жүрек» қайырымдылық акциясын жүзеге асыруда. Осы акция аясында қала тұрғындарына арналған 25 қайырымдылық шарасы жоспарланған, деп хабарлайды Almaty-akshamy.kz.
2022 жылдың 22 қазанында «Жанашыр жүрек» қайырымдылық акциясы аясында қаланың волонтерлері мен стоматологтары «Салауатты тіс – ұлт денсаулығы» акциясын ұйымдастырады, онда тіс дәрігерлері ата-анасының қамқорлығынсыз қалған балалардың тістерін тегін тексереді. . Қайырымдылық шарасын ұйымдастырушылар балаларға пайдалы сыйлықтар да әзірледі. Барлығы 80-нен астам балалар үйінің тәрбиеленушілерін қамту жоспарлануда.
Сонымен қатар, ата-анасының қамқорлығынсыз қалған балалар мен аз қамтылған отбасы балалары үшін Алматы циркіне тегін саяхат ұйымдастырылады. Осы шара аясында балаларға цирк бағдарламасының тегін шоуы, дәмді тағамдар мен циркке көліктік қолдау ұйымдастырылады.
Сондай-ақ, бұл күні қала еріктілері мұқтаж отбасыларға азық-түлік себетін жеткізу мақсатында қайырымдылық акциясын өткізеді. Осы акция аясында волонтерлар жалғыз басты зейнеткерлерге, аз қамтылған отбасыларға және қиын қаржылық жағдайда қалған отбасыларға қажетті өнімдер, гигиеналық құралдармен себеттермен қамтамасыз етеді. Бұл акция аясында 100-ден астам мұқтаж отбасын қамту жоспарлануда.
Сонымен қатар, «Аспан» саябағында Қазақстан Республикасы күнін мерекелеуге арналған ағаш отырғызу акциясы өтеді. Акцияға қала жастары, еріктілер және барлық мүдделі тұлғалар қатысады.
Қайырымдылық шараларын Алматы қалалық Жастар саясаты мәселелері басқармасы, Мемлекеттік жастар саясатын қолдау қоры, «QAMQOR CHARITY» қоғамдық қорының еріктілері, «Медициналық жастар» республикалық қоғамдық бірлестігі, SMALL & SKIF супермаркеттер желісінің демеушілігімен және т.б.
Іс-шаралар 22 қазанда күні бойы жалғасады.