Бұл жазатайым болған оқиға.
Алматыда көпқабатты үйдің терезесінен екі бала құлап, мерт болды, деп хабарлайды Almaty-akshamy.kz.
Алматы қаласының әкімі Бақытжан Сағынтаев балалардың қазасына байланысты ата-аналарына көңіл айтты.
«Наурызбай ауданында 3 пен 5 жастағы балалардың қазасына байланысты ата-аналарына көңіл айтамын. Алдын ала мәліметтер бойынша, бұл жазатайым болған оқиға. Полиция департаментіне мән-жайды анықтап, объективті тергеу жүргізу тапсырылды. Жағдайды жеке бақылауыма алдым»,- деп жазды ол Twitter парақшасында.
Қайғылы жағдай Наурызбай ауданы, «Шұғыла» ықшамауданындағы «Премьера» тұрғын үй кешенінде орналасқан 14 қабатты үйде болды.
