Алматыда бизнес пен медиа өкілдері бас қосқан креативті индустриялар префорумы өтті, – деп хабарлайды aqshamnews.kz тілшісі.
Алматыда IV PR ROOM CREATIVE INDUSTRIES FORUM қарсаңында префорум ұйымдастырылып, оған сәулет, кино, медиа, урбанистика және креативті бизнес салаларының мамандары қатысты.
Іс-шараны Айнұр Байғожа құрған PR Room қауымдастығы Алматы қаласын дамыту орталығының қолдауымен өткізді. Префорум креативті индустрияны дамытуға қатысты өзекті мәселелерді талқылайтын кәсіби диалог алаңына айналды.
Талқылау барысында қатысушылар қаржыландыру көздерін табу, тұрақты бизнес-модельдер құру және креативті жобаларды табысты монетизациялау жолдарын қарастырды.
Сонымен қатар беделді қорғау, авторлық құқықтарды сақтау және креативті өнімді тиімді басқару тақырыптарына ерекше көңіл бөлінді.
Бағдарлама аясында сарапшылардың баяндамалары ұсынылып, нақты кейстер талданып, шебердің сабағы ұйымдастырылды.
Бұл префорум 16 мамырда Астанада өтетін IV PR ROOM CREATIVE INDUSTRIES FORUM-ға дайындық кезеңдерінің бірі саналады. Негізгі форум креативті жобаларды қаржыландыру мәселелеріне арналмақ.
Ұйымдастырушылардың айтуынша, мұндай алаңдар креативті экономиканы дамытуға және бизнес, медиа мен кәсіби қауымдастық арасындағы байланысты нығайтуға мүмкіндік береді.