20 тамызға қараған түні Алматы қаласында базар өртенді, – деп хабарлайды aqshamnews.kz тілшісі.
Төтенше жағдайлар министрлігі өрттің таралуына жол бермегенін хабарлады.
Мәліметтерге қарағанда, бейсенбі күні түнде мегаполистің Түрксіб ауданында Сүйінбай даңғылындағы базар аумағында қоғамдық тамақтану орындары орналасқан бутиктерде өрт шықты.
«Алғашқы бөлімшелер келген кезде бес бутикте ашық жалын байқалды. Өрт сөндірушілердің күшімен оттың көршілес үй-жайларға одан әрі таралуына жол берілмеді», – деп таратты ТЖМ.
Өрт сөндірілді. Тілсіз жаудан ешкім зардап шекпегені хабарланды.
Министрлік кәсіпкерлерге өрт қауіпсіздігі талаптарын қатаң сақтау қажеттігін ескертті.