Қазіргі таңда қалада әртүрлі психикалық ауруларға шалдыққан 1823 бала, 503 жасөспірім динамикалық бақылауда тұр.
Алматы қалалық психикалық орталығында 10 сәуірде балалардың танымдық және зияткерлік деңгейін зерттеу, сөйлеу қабілетін, әлеуметтік дағдыларды дамыту, физикалық денсаулықты жақсарту, сенсомоторлы жүйені жетілдіру, балалардың эмоционалды жағдайын жақсартуға арналған құрал-жабдықтармен жасақталған оңалту кабинеті ашылады, деп хабарлайды Almaty-akshamy.kz.
Психолог, логопед, психолог-жаттықтырушы сөйлеу дамуы тежелген, аутизм, ақыл-ой кемістігі анықталған және гипербелсенді балаларға психологиялық кедергілерді еңсеруге көмектеседі.
Сонымен бірге 2023 жылдың 10 сәуір күні Алматы қалалық психикалық денсаулық орталығында «Аутизмге шалдыққан балаларды емдеудің ерекшеліктері» тақырыбын терең талқылайтын конференция өтеді.