Қауіпті вирусты қала бойынша 239 бала жұқтырып, ауруханаларда ем алып жатыр.
Алматыда коронавирус инфекциясы балалар арасында да өршіп барады. Бүгінде бұл қауіпті вирусты қала бойынша 239 бала жұқтырып, ауруханаларда ем алуда, деп хабарлайды Almaty-akshamy.kz Almaty.tv сайтына сілтеме жасап.
Қаладағы клиникалық балалар жұқпалы аурулар ауруханасының екінші стационарының өзінде 148 науқас тіркеліп, олардың 80 пайызының жағдайы орташа ауыр деп бағаланып отыр.
«Ем алып жатқан балалардың бәрі протокол бойынша ем қабылдайды. Солардың шағымдары, анализдеріне қарай бүкіл ем жүргізіледі. Барлықтарының жағдайы орташа, тұрақты болып есептеледі. Барлығы аман-есен үйіне шығарылады. Ата-анасымен бірге жатып ем қабылдайды», – деді балалар қалалық клиникалық жұқпалы аурулар ауруханасының бөлім меңгерушісі Баян Оспанбаева.
Одан бөлек, бұл ауруханаға COVID-19 вирусын жұқтырған ересектер де қабылданып жатыр. Қазір олардың саны 411-ге жетті. Ал, ауыр халдегі 5 адам өкпені жасанды желдету аппаратына қосылған.