Алматы қаласында «Ауыл» партиясының қалалық филиалы әз Наурыз мерекесіне орай құттықтау акциясын өткізді, деп хабарлайды Aqshamnews.kz тілшісі.
Іс-шара барысында партия өкілдері қоғамдық орындарда, соның ішінде метро мен қоғамдық көліктерде жолаушыларды келе жатқан Наурыз мейрамымен құттықтады.
Акция аясында ұлттық дәстүрлер насихатталып, домбырамен қазақтың әсем әндері орындалды. Сондай-ақ қала тұрғындары мен қонақтарына көтеріңкі көңіл күй сыйлау үшін шашу шашылып, ақжарма тілектер айтылды.
Жолаушылар мұндай тосын сыйды жылы қабылдап, ұйымдастырушыларға алғысын білдірген.
Ұйымдастырушылардың айтуынша, шараның басты мақсаты – ұлттық құндылықтарды дәріптеу, әз Наурыз мейрамының мән-маңызын кеңінен түсіндіру және қоғамда мерекелік көңіл күй қалыптастыру.
Іс-шара «Ауыл» партиясы Алматы қаласы филиалының бастамасымен өтті.