Кездесуге Алматы қаласы әкімінің орынбасары Арман Қырықбаев, қалалық спорт басқармасының басшысы Ерден Хайруллин және жұмыс тобының мүшелері қатысты.
Алматыда 2 қыркүйек күні ата-аналар, ArtSportEdu жеткізушілер қауымдастығының мүшелері және қалалық әкімдік қызметкерлері кездесулерінің қорытындысы бойынша құрылған жұмыс тобының отырысы өтті, деп хабарлайды Almaty-akshamy.kz
Талқылау барысында бағдарламаны қаржыландырудың проблемалық мәселелері және қолданыстағы artsport.edu.kz платформасының әкімдік анықтаған олқылықтары қаралды.
Кездесу қорытындысы бойынша келесі шешімдер қабылданды:
1) Алматы қаласының мәслихатына мемлекеттік спорттық және шығармашылық тапсырыс берушілер алдында пайда болған несиелік қарызды өтеу үшін қаржы бөлу мәселесін қарауды нақты ұсыну;
2) Қала әкімдігі анықтаған artsport.edu.kz.платформасының олқылықтарын жою үшін жүйені әзірлеген SoftDeCo ЖШС директоры С. Алабугинді және/немесе оның Алматыдағы уәкілетті тұлғасын талқылауға шақыру.
Хаттамаға жұмыс тобының мына мүшелері қол қойды: О.Ю. Аринбасарова (РҚБ Artsprot.kz (жеткізушілер қауымдастығы), Г.Н.Тусибиянова (жеткізушілер қауымдастығы) және И.Ю. Никонова (Alemmedia ЖК жеткізушісі).