ALMA CUP – әртүрлі спорт түрлерінен студенттік командалар қатысатын жастар арасындағы спорт чемпионаты
Алматыда «ALMA CUP 2023» студенттік спорт чемпионатының жарыстары өтеді, деп хабарлайды Almaty-akshamy.kz BAQ.KZ-ке сілтеме жасап.
«Social Project Management» орталығы» қоғамдық қорының ұйымдастырумен осы айдың соңынан бастап «ALMA CUP 2023» студенттік спорт чемпионаты басталады.
ALMA CUP – әртүрлі спорт түрлерінен студенттік командалар қатысатын жастар арасындағы спорт чемпионаты. Бұл турнирдің мақсаты – жастар арасында салауатты өмір салтын насихаттап, олардың бойында азаматтық және патриоттық сезімдерін ояту, дұрыс өмірлік ұстанымдар қалыптастыру және жас спортшыларды ынталандыру.
Чемпионат аясында футбол лигасының, баскетбол лигасының, волейбол лигасының және киберспорт лигасының жарыстарын өткізу жоспарланған. Әр турнир бойынша жүлде қоры 1 200 000 теңгені құрайды. Сонымен қатар «ALMA CUP» футбол лигасының жеңімпаздарына студенттер арасындағы футболдан Республикалық лигаға қатысу мүмкіндігін беріледі.
Айта кеткен жөн, турнирге Алматы қаласының барлық жоғары оқу орындарының студенттері қатыса алады.
Студенттік футбол лигасы 25.03.2023 - 01.05.2023 аралығында өтеді.
Баскетбол лигасының, волейбол лигасының және киберспорт лигасының жарыстары 01.09.2023 - 20.11.2023 аралығында болады.