13 желтоқсанда Алматыда қаланың әлеуметтік қызметінің құрылғанына 85 жыл толуына орай «Жүректен жүрекке» атты алғашқы әлеуметтік форум өтті, деп хабарлайды Аlmaty-akshamy.kz.
«Қоғам – бизнес – мемлекет» арасындағы өзара қарым-қатынас жүйесін жаңғыртуға бағытталған форумды ҚР Еңбек және халықты әлеуметтік қорғау министрлігінің қолдауымен Алматы әкімдігі ұйымдастырды. Форум жұмысына барлығы 300-ден астам адам қатысты.
Әлеуметтік саланың жетекші халықаралық және қазақстандық сарапшылары, қоғамдық пікір көшбасшылары, үкіметтік емес ұйымдар мен мемлекеттік органдардың өкілдері өткір әлеуметтік мәселелерді шешуге, сондай-ақ әлеуметтік қызметкерлердің қоғамдағы рөлін нығайтуға бағытталған табысты жобалардың кейстерімен бөлісті.
- Әлеуметтік маңызды мәселелерді шешудегі ең үлкен нәтижеге «алтын үшбұрыш» деп аталатын тиімді өзара әрекеттесу арқылы жетуге болады, мұнда әлеуметтік тұрақтылық қоғамның, мемлекет пен бизнестің бірлескен әрі тиімді күш-жігерімен қамтамасыз етіледі. Сондықтан форум барысында ҮЕҰ өкілдерімен, кәсіпкерлермен, әлеуметтік қызметкерлермен бірге әлеуметтік мәселелерді шешуде заманауи тәсілдерді іздеу бойынша күш-жігерімізді шоғырландыруға ықпал ететін шешімдер табуға ұмтылдық, – деп атап өтті Алматы қаласы әкімінің орынбасары Ә.Нүсіпова.
Форум барысында әлеуметтік бағдарламалардың даму үрдістері мен перспективалары, мүмкіндігі шектеулі жандар мен халықтың әлеуметтік осал топтарына қатысты еңбек заңнамасының негіздері, қоғамдық ұйымдардың іске асырылған әлеуметтік жобалары негізінде қоғамның, мемлекет пен бизнестің өзара іс-қимылы талқыланды
Форумда айтылған үздік ұсыныстар тәжірибеде қолданылатын болады. Осылайша, мүгедектіктің алдын алу және алдын ала ескерту мақсатында келесі жылдан бастап «Ерте араласу орталығы» пилоттық жобасы аясында сынақтан өткен жұмыс күшейтіледі. Осы орталықтың базасында ерте араласудың ғылыми, оқу-әдістемелік орталығы ашылады, онда церебральды сал ауруының әртүрлі нысандары бар балаларды емдеудің бірыңғай хаттамасын әзірлеу және оны енгізу жоспарланып отыр, бұл тұтастай алғанда сапалы оңалту және мүгедек балаларды оңалту көрсеткіштерін жақсартуға мүмкіндік береді.
Сонымен қатар, мүмкіндігі шектеулі жандар үшін қалалық инфрақұрылымның қолжетімділігін қамтамасыз ету,оларды қоғамға тарту үшін келесі жылдан бастап «Ten Qogam» мүгедектерді әлеуметтік қолдау орталығының қызметін қаланың әрбір ауданында ашу арқылы ауқымын кеңейту жоспарлануда. Әлеуметтік инфрақұрылым объектілерінің қолжетімділігін мониторингтеу жөніндегі қызметпен бірге орталықтар жұмысының функционалын одан әрі кеңейту және айтылған ескертуді жоюға ұсынымдар енгізу қосымша жоспарлануда.
Форумға қатысушылар әлеуметтік бағдарламалардың даму үрдістері мен перспективаларын, мүмкіндігі шектеулі жандар мен халықтың әлеуметтік осал топтарына қатысты еңбек заңнамасының негіздерін, қоғамдық ұйымдардың іске асырылған әлеуметтік жобалары бойынша қоғамның, мемлекет пен бизнестің өзара іс-қимылын және басқа да маңызды мәселелерді талқылады.