Алматыда әлеуметтік кәсіпкерлік субъектілеріне гранттар беруге конкурс жарияланды

Алматы қаласының Кәсіпкерлік және инвестициялар басқармасы әлеуметтік кәсіпкерлік субъектілері үшін гранттық қаржыландыруға конкурс жариялайды, деп хабарлайды aqshamnews.kz

5 миллион теңгеге дейінгі мөлшерде өтеусіз мемлекеттік гранттар "Бір ауыл – бір өнім" бағдарламасының финалистері болған әлеуметтік кәсіпкерлік субъектілеріне, шағын және орта кәсіпорындарға беріледі. Конкурстың жалпы бюджеті 500 миллион теңгені құрайды.

Конкурсқа қатысуға өтінімдер «Электрондық үкімет» порталы арқылы электрондық түрде Kezekte.kz жүйесінде 2024 жылғы 14-18 қазан аралығында қабылданады. Көрсетілген мерзімнен кейін берілген өтінімдер қабылданбайды. Портал тәулік бойы https://kezekte.kz/ сайтында қолжетімді.

Байқаудың мақсаты — әлеуметтік маңызы бар жобаларды қолдау және қалада шағын және орта кәсіпкерлікті дамыту.

Кеңес беру үшін байланыс:

1. Алматы қаласының Кәсіпкерлік және инвестициялар басқармасы
   Мекенжайы: Алматы қ., Байзақов к-сі, 303, 302 кеңсе.
   Телефон: +7 (727) 390-20-99, +7 (727) 390-20-69.

2. Алматы қаласының Кәсіпкерлер Палатасы
   Мекенжайы: Алматы қ., Абылай хан даңғылы/Әйтеке би көшесі қиылысы, 79/71.
   Телефон: +7 (727) 331-01-33, Call-center: 1432.

3. «Даму» кәсіпкерлікті дамыту қоры (Алматыдағы өңірлік филиалы)
   Мекенжайы: Алматы қ., Наурызбай батыр к-сі, 8, «КОБА» бизнес орталығы, 1-қабат.
   Телефон: +7 (727) 244-55-77, +7 (727) 244-55-66.