Алматыда «Көрнекті тұлғалардың мұрасы» атты әдеби квест өтті, деп хабарлайды Almaty-akshamy.kz BAQ.KZ-ке сілтеме жасап.
Аталмыш іс-шараны Алматы қаласы қоғамдық даму басқармасының қоғамдық даму орталығы мамандарының бастамасымен ұйымдастырылды.
.jpeg)
Алматы қаласындағы білімді, өжет, дарынды оқушылардың басын қосуды ниет еттік. Байқау барысында тұлғалардың ғұмыры мен еңбектерін насихаттаудағы мәліметтер талданып, шығармашылық тұлғасы жан-жақты ашылды. Оқушылар мен ұстаздардың көңіл-күйі тамаша. Өнерлі де өнегелі жастарымыз көбейе берсін деген ниетіміз бар, – дейді қоғамдық даму басқармасының мамандары.
Байқау барысында 30 мектептің ішінен, ең үздік 5 мектеп танылып, бақ сынасты. 7-8 сынып оқушылары жақсы дайындықпен келіп, ақшалай жүлдемен марапатталды.
Шара соңында әрбір қатысушы «Рухани көшбасшылардың галактикасына қосыла алам ба?» деген негізгі сұраққа жауап алды.