Инженерлік желілерді қайта орналастыру жұмыстарына байланысты, деп хабарлайды aqshamnews.kz тілшісі.
Алматыда LRT жобасын іске асыру аясында Абылай хан даңғылының бір бөлігінде көлік қозғалысына уақытша шектеу енгізіледі.
29 тамыз сағат 08:00-ден 30 тамыз сағат 16:00-ге дейін инженерлік желілерді қайта орналастыру жұмыстарына байланысты Төле би көшесінен Гоголь көшесіне дейінгі аралықта көлік қозғалысы жабылады.
Жөндеу жұмыстары жүргізілетін учаскеде ескерту белгілері орнатылады. Жүру бағытын алдын ала жоспарлауды сұраймыз.
Еске салайық, көлік қозғалысын шектеуге қатысты барлық ақпарат @AlmatyJoly Telegram арнасында, әкімдіктің әлеуметтік желілердегі парақшаларында, сондай-ақ 2GIS және «Яндекс Карты» қосымшаларында жарияланады.