Алматыда медициналық инфрақұрылымды және пациенттерге көмек көрсету жағдайларын жақсарту бойынша жүйелі жұмыс жалғасып жатыр. Алматы қаласы Қоғамдық денсаулық сақтау басқармасының басшысы Марат Пашимов медициналық қызметтердің сапасына да, денсаулық сақтау объектілерінің жай-күйіне де назар аудара отырып, медициналық ұйымдарды аралап шықты, – деп хабарлайды aqshamnews.kz тілшісі.
Сапардың негізгі пункттерінің бірі Наурызбай ауданындағы №27 Қалалық емхананың филиалы болды, онда қазіргі уақытта күрделі жөндеу жұмыстары жүргізілуде. Нысан аудан тұрғындары үшін маңызды, сондықтан жұмыс барысы ерекше бақылауда.
Тексеру барысында Марат Пашимов ғимараттың ағымдағы жай-күйімен егжей-тегжейлі танысты: емдеу кабинеттерін, күту аймақтарын, инженерлік коммуникацияларды және қосалқы үй-жайларды тексерді. Құрылыс және әрлеу жұмыстарының сапасына, сондай-ақ барлық техникалық нормалар мен жобалық құжаттамалардың қатаң сақталуына ерекше назар аударылды.
Ұйымдастырушылық мәселелер — жөндеуді орындау мерзімдері, құрылыс материалдарымен қамтамасыз ету және мердігерлердің емхана әкімшілігімен өзара іс-қимылы жеке қаралды. Марат Пашимов атап өтті: күрделі жөндеуді аяқтау уақтылы және сапа жағынан безасыз болуы керек.
Инспекция қорытындысы бойынша нақты тапсырмалар берілді — жұмыс барысын бақылауды күшейту, туындайтын мәселелерді тұрақты мониторингтеуді және жедел шешуді қамтамасыз ету. Басты міндет-жобаны мерзімінде аяқтау және пациенттер үшін де, медициналық қызметкерлер үшін де заманауи, жайлы жағдай жасау.
Сондай — ақ, жұмыс сапары аясында қаланың ірі стационарларының - №1 ҚКА, №7 ҚКА, Орталық қалалық клиникалық аурухана және Қалалық жедел жәрдем ауруханасының қабылдау бөлімшелеріне барды. Мұнда шұғыл медициналық көмек көрсету және қабылдау бөлімшелерінің жұмысын ұйымдастыру шарттарына назар аударылды.
Алматыда инфрақұрылымды жаңғыртумен қатар тазалық пен абаттандыру мәдениеті белсенді дамып келеді. Бұл күндері Елбасы бастамашы болған "Таза Қазақстан" жалпыұлттық жобасы аясында елімізде тазалық эстафетасы өтуде.
4 сәуірде қаланың барлық медициналық ұйымдарында ауқымды сенбіліктер өтті. Медицина қызметкерлері — дәрігерлер, медбикелер және әкімшілік қызметкерлер — акцияны қолдап, аумақтарды тазалауға шықты.
Мұндай іс-шаралар тұрақты болды: апта сайын емханалар мен стационарлар ұжымдарының қатысуымен "Таза бейсенбі" және сенбіліктер өткізіледі.
Марат Пашимов медициналық ұйымдардың аумақтарында тәртіпті сақтаудың маңыздылығын еске салып, тазалық тек эстетика мәселесі ғана емес, сонымен қатар қауіпсіз және сапалы медициналық көмектің маңызды құрамдас бөлігі екенін атап өтті.
Күрделі жөндеуден бастап күнделікті тазалыққа дейінгі кешенді жұмыс Алматының денсаулық сақтаудың жаңа ортасын қалыптастырады, онда пациенттердің жайлылығы, қауіпсіздігі мен денсаулығы басты назарда қалады.