Алматыда «Автокөлік» жедел-алдын алу шарасы жүріп жатыр. Рейд барысында қаланың орталық бөлігінде лас жүк көлігі тоқтатылып, жүргізушілері жауапқа тартылды, деп хабарлайды almaty-akshamy.kz Алматы қалалық Полиция департаментінің баспасөз қызметіне сілтеме жасап.
«Бұл ретте айта кету керек, көбінесе лас көліктер құрылыс нысандарында қолданылады. Құрылыс алаңынан шығып, жол бойында кетіп бара жатқан ауыр жүк көлігінің жүргізушілері өз көлігін таза сұтауға міндетті. Іс жүзінде, тәжірибе көрсеткендей, бұл тәртіп барлық жерде сақталмайды. Көрсетілген алдын алу іс-шарасы осындай фактілерді анықтауға бағытталған», - деді Медеу аудандық ПБ бастығының міндетін атқарушы, полиция майоры Елнұр Құдретбаев.
Спикердің сөзінше, тексеріс кезінде 106 лас жүк көлік жүргізушісі әкімшілік жауапқа тартылды.
Атап айтар болсақ, ҚР ӘҚбК-нің 602-бабының талаптарын бұзғаны үшін - 15 факті, ҚР ӘҚбК-нің 630-бабы 1-бөлігі - 28 факті, ҚР ӘҚбК-нің 334-бабы 1 -бөлігі - 20 факті, ҚР ӘҚбК-нің 601-бабы 1-бөлігі - 6 факті, ҚР ӘҚбК-нің 620-бабы 1-бөлігі - 15 факті және және тағы басқа да ереже бұзу анықталды.