Зообақ әкімшілігі өздерінің инстаграм парақшасында Африкадан келген таңғажайып тұрғыны — сервалмен жаңа бейнеролик жариялады. Бұл әсем жабайы мысық көпшіліктің ықыласына бөленді, деп хабарлайды aqshamnews.kz
Сервал — сымбатты денесі, ұзын аяқтары және үлкен құлақтарымен ерекшеленетін жануар. Бұл қасиеттер оны мысық тұқымдастарының арасында ерекше етіп көрсетіп қана қоймай, сонымен қатар оның аңшылық қабілеттерін арттырады. Мамандардың айтуынша, сервал керемет аңшы. Ол кеміргіштер мен құстарды аулайды.
Сервалдың таңы бір ерекшелігі — оның үш метр биіктікке дейін секіре алатындығы. Бұл оған қиын жағдайда да олжаны шебер ұстауға мүмкіндік береді.
• Видео: Almaty Zoo