Байтұрсынұлы көшесінің бойында орналасқан №169 бен №163 үйдің тұрғындарының көңіл-күйі әдеттегіден көтеріңкі, – деп хабарлайды aqshamnews.kz тілшісі.
Бәрі тұрып жатқан үйі жаңарып, бұрынғыдан да әдемі бола түскенін айтады.
Үйдің қасбеті қаланың бірыңғай дизайн-кодына сәйкес жаңартылып, шатыры да ауысты. Қазір құрылысшылар жұмыстың соңына жетіп қалды: іргетас айналасындағы отмосткаларды ретке келтіріп, аулаға енді тақтайша төсеп жатыр. Шеберлердің барынша тиянақты етіп істеген жұмысы тұрғындардың да көңілінен шығып, оларды мақтап отыр.
Көше көркейіп, кешке қарай шам жанғанда, үйлер де ерекше әсем келбетке енеді. Тұрғындардың айтуынша, пәтердің құны да іле-шала артыпты.
Олар енді үйдің сырт келбетін көріп, «Мен осында тұрамын!» деп айналасына емін-еркін мақтанып айта алатындай болды.