Алматылық құтқарушылар қала тұрғындарына демалыс күндері ауа райының қолайсыздығына байланысты тауға шықпауды ескертті, деп хабарлайды aqshamnews.kz қалалық ТЖД баспасөз қызметіне сілтеме жасап.
Алматы қаласы ТЖД өкілдері "Қазгидрометтің" дауылды ескертуіне сәйкес, Алматы қаласы жолдарында көктайғақ ,тұман күтілетінін, ал таулы аймақтарда тұман түсіп, қар жауатынын еске салды. Сондай-ақ ауа температурасы күрт төмендейді.
Осы ретте құтқарушылар қала тұрғындарына маңызды ескертпе жасады.
"Жеке қауіпсіздікті сақтауды және уақытша тауға шықпауға кеңес береміз.
Алдағы аязға байланысты түтін құбырының герметикалық жағдайын қадағалаңыз, көмірқышқыл газының таралуына жол бермеңіз, электр желілерін электр құрылғыларды қосып артық жүктеме түсірмеңіз", - делінген хабарламада.