Сел тасқыны кезіндегі халықтың іс-әрекеті
2023 жылғы 18 сәуірде БҰҰ ғимаратының базасында Алматы қаласы ТЖД қызметкерлері Иран, Венгрия, Франция, Литва, Польша, Қырғызстан, Тәжікстан, АҚШ, Ресей, Қытай, Түркия, Германия, Түрікменстан, Үндістан, Корея, сондай-ақ БҰҰ кеңесшілері мен Юнеско өкілдері үшін азаматтық қорғау саласында оқу сабағын өткізді, деп хабарлайды Almaty-akshamy.kz.
Сабақтың мақсаты-Алматы қаласының тұрғындары мен қонақтарының каскадты оқыту әдісін қолдана отырып, төтенше жағдайлардағы жүріс-тұрыс ережелері туралы хабардарлығын арттыру. Әдістің мәні мынада: оқытудан өткен бас консулдар өз елшіліктерінде не үйренгендерін айтып береді, осылайша ақпаратты техникалық қызметкерлерге дейін жеткізеді.
Сабақ аясында ТЖД қызметкерлері дипломатиялық корпусқа «Жер сілкінісіне дейінгі, жер сілкінісі кезінде және одан кейінгі халықтың іс-әрекеттері», «ТЖ жағдайындағы дабыл чемоданы ішіндегі заттар», «Құрылымдық емес сейсмикалық күшейту», «ТЖ кезінде зардап шеккен халықты қабылдау пункттері», «Халықтың іс-әрекеттері дабылы кезінде «Барлығының назарына!»», «Дармен» мобильді қосымшасының жұмыс принципі», «Сел тасқыны кезіндегі халықтың іс-әрекеті» және «Өрт қауіпсіздігі» қағидаларын жеткізді.
Бас консулдар ТЖД қызметкерлеріне белсенді түрде сұрақтар қойып, оларға толық жауаптар алды.
Алматы қаласындағы ҚР СІМ өкілдігі басшысының орынбасары Исламбек Райымов сабақты өткізуге және бағдарламаны дайындауға көмектескені үшін шын жүректен алғысын білдірді. Оның пікірінше, бүгінде төтенше жағдайлардың алдын алу және оларды жою саласындағы ынтымақтастық қажеттілігі бұрынғыдан да көп, сондай-ақ мұндай курстар діни сенімге, саяси, әлеуметтік және мәдени байланыстарға қарамастан азаматтардың қауіпсіздік мәдениетін арттыруға көмектеседі.