Бүгін 17 қазанда Алматыда Android және iOS операциялық жүйелерін пайдаланушылар үшін Мass Alert шұғыл құлақтандыру жүйесінің тестілік іске қосылуы өтті, деп хабарлайды aqshamnews.kz
Бұрын бірнеше рет хабарланғандай, iPhone пайдаланушылары жүйені iOS 18 нұсқасына жаңартуы керек еді. Тек осы жағдайда олардың мобильді құрылғыларына Mass Alert ескертуі келеді. Егер құрылғы автоматты түрде жаңартылмаса, оны қолмен жасау керек: «Баптаулар – Негізгі – Бағдарламалық жасақтаманы жаңарту».
Бүгінгі тесттік құлақтандыру нәтижелері бойынша ұялы операторлар желілері арқылы құлақтандыруды жіберу жөніндегі жүйені жақсарту және оңтайландыру үшін техникалық талдау жүргізіледі.
Естеріңізге сала кетейік, ағымдағы жылдың 31 мамыры мен 26 шілдесінде Android операциялық жүйесі бар құрылғыларды пайдаланушылар үшін сәтті тестілеу өтті.