Алматы қаласы “Ауыл” партиясының өңірлік филиалы, “Инновация. Тұрақтылық. Болашақ” тақырыбында “Academic Kazakhstan Limited” компаниясымен бірлесе Хакатон өткізді. Хакатонның мақсаты-тұрақты даму, ақпараттық технологиялар және білім беру салаларындағы жобалардың портотиптерін әзірлеу, талантты жастар мен экологиялық трансформацияға ықпал ететін стартаптарды қолдау, сондай-ақ білім беру үрдістерінде жасыл технологиялар туралы хабарларды кеңінен тарату. Бұл іс-шараға Алматы қаласы жоғарғы оқу орындары студенттерінен құралған 10 команда тіркеліп, сайысқа 5 команда қатысты.
Жарыс, қызықты, тартысты және жоспар бойынша өтті. Осы Хакатонға арнайы сайланған төралқалардың шешімі бойынша: 3-ші орынды, “Семіздік қаупін болжау” жобасымен келген Әл-Фараби атындағы Қазақ Ұлттық университетінің студенттері; 2-ші орынды, “Ақылды қоқыс жәшігі” жобасымен Евразиялық технологиялық университеті студенттері; Ал 1-ші орынды, “AportLife” жобасымен Евразиялық технологиялық университеті студенттері жеңіп алып, Астана қаласында өтетін финалдық жарысқа жолдама алды.
