Алматыда жыл басынан бері бірыңғай бейнебақылау жүйесі қоғамдық қауіпсіздікті қамтамасыз етуде және әртүрлі ауырлықтағы қылмыстарды ашуда жоғары тиімділігін көрсетті, деп хабарлайды aqshamnews.kz.
Үш айдағы жұмыстың қорытындысын шығарған Алматы қалалық полиция департаменті, бірыңғай бейнебақылау жүйесіне біріктірілген цифрлық шешімдер мен жасанды интеллект технологияларының негізгі рөлін атап өтті. Бейне аналитика, камера аралық бақылау, бет пен нөмірді тану модульдері оқыс оқиғаларға ден қою жылдамдығын айтарлықтай арттырды, күдіктілерді іздеу уақытын қысқартты және дәлелдемелік базаны нығайтты. Инновациялық технологияларды енгізудің арқасында іздеуде жүрген адамдарды анықтауды айтарлықтай жылдамдатуға, құқық бұзушылардың жүру жолдарын тиімді қалпына келтіруге және заңсыз әрекеттерге жедел тосқауыл қоюға мүмкіндік туды.
- Бейнебақылау жүйесі бірқатар қылмыстарды, соның ішінде ұрлық, көлік ұрлау және денеге ауыр зиян келтіру деректерін тиімді ашуға мүмкіндік берді. Бұл, әрине, қоғамдық қауіпсіздікті қамтамасыз етуде құқық қорғау органдарын цифрландырудың қаншалықты маңызды екенін көрсетеді, - деді Алматы қаласы ПД жедел басқару орталығы бастығының орынбасары Рүстем Қапанов.