Қазақстан полициясы күніне арналған кең ауқымды имидждік-идеологиялық науқан аясында Алматы қалалық ПД-де ерлік сабағы өтті, деп хабарлайды aqshamnews.kz Polisia.kz-ке сілтеме жасап.
Оған заманымыздың нағыз қаһармандары – төтенше жағдайларда адам өмірін сақтап қалған полиция қызметкерлері қатысты. Әріптестерімен кездесуде олар, адамдарды өрттен қалай алып шыққаны, көпірлердегі қайғылы оқиғалардың алдын алғаны, төтенше жағдайлардан зардап шеккендерді қалай құтқарғаны туралы әңгімелеп берді. Ерлігі мен жанқиярлығы үшін олардың көпшілігі мемлекеттік наградалармен, медальдармен, Құрмет грамоталарымен марапатталды.
Әрбір оқиға – борыш, намыс, Отанға деген сүйіспеншілік сезіміне толы ерлік шежіресі. Тыңдармандардың патриоттық рухы мен шынайы құрметі шараға ерекше көңіл-күй сыйлады. Ерлік сабағы жастарды тәрбиелеудің, жас қызметкерлердің бойында антқа адалдық пен мамандықтың жоғары адамгершілік талаптарын қалыптастырудың маңызды элементіне айналды. Оған Алматы қалалық полиция Департаментінің қызметкерлері ғана емес, Мамандандырылған күзет қызметі Басқармасының өкілдері, сондай-ақ ҚР ІІМ М.Есболатов атындағы Алматы академиясының курсанттары қатысты.
"Ерлік – тек қана даңқты істер емес. Бұл – әрбір полицейдің күнделікті, жанқиярлық еңбегі. Ерлік көрсеткен әріптестеріміз, Қазақстан полициясы – Заң мен адам өмірінің сақшысы екеніне жанды дәлел. Мұндай кездесулер рухтандырады, тәлім-тәрбие береді, біріктіреді. Ең бастысы – бұл ерлік сабағын болашақ құқық қорғаушыларымыз – жас қызметкерлердің тыңдағаны өте маңызды", – деді, Алматы қалалық полиция департаменті бастығының орынбасары Әділғожа Құсайынов.
Іс-шара Қазақстан полициясының 33 жылдығына арналған іс-шаралар кешенінің бір бөлігі болды және корпоративтік мақтаныш сезімін нығайтуға, кәсіпті танымал етуге және қоғамда полиция қызметі туралы оң көзқарасты қалыптастыруға бағытталған.