Күдікті уақытша ұстау изоляторына қамалды.
Полиция қызметкерлері жедел іздестіру іс-шаралары аясында контейнерлерді «сатқан» күдіктіні анықтады. Бұл 26 жастағы жергілікті тұрғын болып шықты, деп хабарлайды Almaty-akshamy.kz.
Ішкі істер министрлігінің ресми сайтындағы мәлімет бойынша, М.есімді азамат алдау жоспарын ойлап тауып, соған сәйкес әрекет еткен. Ол жарнама беріп, келіссөз жүргізген, ақша алған.
«Сайттардың бірінде күдікті контейнерлерді төмен бағамен сату туралы жарнамаларды кезеңмен орналастырады. Сатып алушы пайда болған кезде, қаскөй жалған келісім-шарттар жасап, тауар мен жеткізілім үшін жүз пайыздық алдын ала аударым туралы келісімге келеді. Клиенттердің қаражаты банк карталарына аударылады. Ақшаны алғаннан кейін М.есімді азамат байланысқа шығуын тоқтатып, қаражатты қолма-қол ақшаға айналдырып, жасырынған», – деді Алмалы аудандық полиция басқармасының бастығы Есен Ысқақов.
Қазірдің өзінде бірнеше зардап шеккендер анықталды. Қылмыстық іс ҚР ҚК-нің 190-бабы 3-бөлігі бойынша тергелуде.
Ұсталған адам уақытша ұстау изоляторына қамалды. Бұл адамның әрекеттерінен зардап шеккен азаматтарды полиция мына телефон нөмірлері арқылы хабарласуға шақырады: 8-708-707-92-02; 8-705-555-77-63; 8-705-771-13-71.
