2023 жылдың 14 қаңтары мен 6 наурызы аралығында рейстер саны азаяды.
«Жолаушылар тасымалы» АҚ №105/106 Алматы-Петропавл пойызының жүру жиілігіне өзгеріс енгізілгенін мәлімдеді, деп хабарлайды Аlmaty-akshamy.kz
2023 жылдың 14 қаңтары мен 6 наурызы аралығында тасымал жиілігі өзгереді. Пойыз бұрын күн сайын жүретін болса, енді күн ара қатынайды. Бұған тальгодағы жөндеу жұмыстары себеп болған.
Пойыздың қатынау жиілігі төмендегідей:
- Алматыдан қаңтар айында тақ күндері, ақпан/наурызда жұп күндері жүреді.
- Петропавлдан қаңтарда – жұп, ақпан/наурызда тақ күндері жүреді. «Тоқтатылған рейстерге жол жүру құжатын бұрын рәсімдеген жолаушыларға жолаушыларды, багажды, жүкті және теміржол көлігімен пошта жөнелтілімдерін тасымалдау қағидаларына сәйкес билет құны толық қайтарылады. Ұлттық тасымалдаушы туындаған қолайсыздықтар үшін кешірім сұрайды», - делінген хабарламада.