Алматы қаласы Көлік қозғалысын және жолаушылар тасымалын
ұйымдастыру басқармасы КММ Алматы қаласы әкімдігінің шаруашылық
жүргізу құқығындағы «Алматы паркинг» коммуналдық мемлекеттік
кәсіпорны директорының бос лауазымын иеленуге конкурс жариялайды.
Кәсіпорынның мекенжайы: Қазақстан Республикасы, 050013, Алматы қаласы,
Бостандық ауданы, Байсейітова көшесі, 40, н.п.71, тел. 338-29-95.
Кәсіпорын қызметінің қысқаша сипаттамасы: Кәсіпорынның негізгі қызметі —
Алматы қаласындағы ақылы автотұрақ кеңістігін ұйымдастырудың бірыңғай
саясатын іске асыру арқылы қала жолдарын тиімді пайдалану және қызмет көрсету.
Конкурсқа қатысушыларға қойылатын талаптар:
* Білімі: жоғары немесе жоғары оқу орнынан кейінгі білім;
Төмендегі бағыттардың бірі бойынша:
◦ инженерлік, өңдеу және құрылыс салалары (автоматтандыру және
басқару және/немесе құрылыс және/немесе көлік, көлік техникасы мен
технологиялары және/немесе технологиялық машиналар мен жабдықтар
(салалар бойынша) және/немесе көлік құрылысы);
◦ ақпараттық-коммуникациялық технологиялар (есептеу техникасы және
бағдарламалық қамтамасыз ету және/немесе ақпараттық жүйелер және/
немесе информатика);
◦ қызмет көрсету (тасымалдауды, қозғалысты ұйымдастыру және көлікті
пайдалану);
◦ бизнес, басқару және құқық (халықаралық құқық және/немесе
юриспруденция және/немесе қаржы және/немесе есеп және аудит және/
немесе экономика және/немесе мемлекеттік және жергілікті басқару).
* Экономика саласындағы кәсіпорын бейініне сәйкес басшылық лауазымдарда
кемінде бес жыл жұмыс өтілі болуы тиіс.
Конкурсқа қатысу үшін қажетті құжаттар:
1. конкурсқа қатысу туралы өтініш;
2. мемлекеттік және орыс тілдерінде жазылған түйіндеме (резюме);
3. білім туралы құжаттардың көшірмелері;
4. Қазақстан Республикасының Еңбек кодексінің 35-бабында көрсетілген еңбек
қызметін растайтын құжаттар;
5. денсаулық жағдайы туралы анықтама (075/У нысаны).
Конкурсқа қатысушы өзінің білімі, еңбек өтілі, кәсіби дайындығы туралы қосымша
ақпарат ұсынуға құқылы (біліктілікті арттыру туралы куәліктердің көшірмелері,
ғылыми дәрежелер мен атақтарды растайтын құжаттар, ғылыми жарияланымдар,
алдыңғы жұмыс орнынан ұсыныс хаттар және т.б.).
Аталған құжаттар хабарландыру жарияланған күннен бастап он бес (15)
күнтізбелік күн ішінде Алматы қаласы Көлік және жолаушылар тасымалын
ұйымдастыру басқармасына төмендегі мекенжай бойынша тапсырылуы тиіс:
Алматы қаласы, Республика алаңы, 4, 542-кабинет.