Алматы облысында тәртіп сақшылары “Аnti-fraud” жедел-профилактикалық іс-шарасы аясында халық арасында азаматтардың құқықтық сауаттылығын арттыруға және интернет-алаяқтықтың алдын алуға бағытталған түсіндірме жұмыстарын жүргізді, деп хабарлайды Almaty-akshamy.kz Polisia.kz-ке сілтеме жасап.
Полицейлер халыққа алаяқтардың азаматтардың ақшасы мен мүлкін ұрлау әдістері туралы түсіндірді. Тәртіп сақшылары ақпараттық буклеттер мен кітапшаларды тарату түріндегі дәстүрлі әдістермен шектелмей, дін саласының қызметкерін де тартты.
"Интернет-алаяқтардың айла-амалдарына көбінесе аға буын өкілдері түсетіні бәріне мәлім. Сондықтан біз діни қызметкерлерді тартуды шештік. Бұл жалпы азаматтар арасында ғана емес, қарттар арасында да ақпараттық-түсіндіру жұмыстарының ауқымын ұлғайтуға мүмкіндік береді", – деп атап өтті Алматы облысы ПД КПБ бастығының орынбасары Нұржан Кенесханұлы.
“Anti-fraud” іс-шарасы барлық полиция бөліністерін тарта отырып, өңір аумағында өтті. Алматы облысындағы соңғы мәліметтерге сәйкес жыл басынан бері интернет-алаяқтардың әрекетінен 400-ге жуық адам зардап шекті.
“Anti-fraud” іс-шараның негізгі соққы күші “Киберпол” бөлінісінің жедел уәкілдері болып табылады. Олардың табандылығының арқасында интернет-алаяқтықтың бірнеше фактілері ашылды. Іс-шара барысында OLX онлайн-жарнама платформасы арқылы жоқ тауарларды сатумен айналысқан Әзірбайжан Республикасының 28 жастағы азаматы ұсталды. Сонымен қатар, онлайн-несие рәсімдеп, алаяқтықпен айналысқан әйел адам анықталды. Қазіргі уақытта оның осындай 10 фактіге қатысы бар екендігі дәлелденді", – деп қосты Н. Кеңесханұлы.
Профилактикалық іс-шараның өту барысында полиция қызметкерлері тағы бірнеше күдіктіні анықтап, ұстай алды. Барлық ұсталғандар басқа да осындай қылмыстарға қатысы бар-жоғына мұқият тексеріледі. Жедел профилактикалық іс-шара қорытындысы бойынша полицейлер интернет-пайдаланушыларға қатысты алаяқтықтың 17 фактісін ашты, оның ішінде бұрын жасалған 14 қылмыс және контрафактілік өнімді сатудың 3 фактісі ашылды.