Алматы облысында 127 мыңнан астам адам тұмау жұқтырған. Жоғарғы тыныс алу жолдарының респираторлық вирусты инфекциясы бар науқастардың 65%-ы 14 жасқа дейінгі балалар. Бұл көрсеткіш өткен жылмен салыстырғанда 23,9%-ға төмендеген, деп хабарлайды aqshamnews.kz
Тұмау облыс орталығы Қонаев қаласында да белсенді түрде тарап жатыр. Қалалық ауруханаға күн сайын жүзден астам адам келіп, медициналық көмек алады.
Мамандар балалар мен жасөспірімдерге назар аударуды және алдын алу шараларын күшейтуді ұсынады.