Алматы метросында бір адам рельске құлап, қаза тапты. Өкінішке қарай, оны аман алып қалу мүмкін болмады. Бұл туралы метрополитеннің баспасөз қызметі хабарлады.
«Оқиға орнында медициналық қызметкерлер мен полиция жұмыс істеп жатыр. Метрополитен штаттық режимде жұмысын жалғастыруда, алайда тергеу аяқталғанға дейін «Абай» станциясына кіру уақытша жабылады. Осы станцияда пойыздар тоқтамайды», — деп жолаушыларға ескерту жасалды.
Оқиға орнына полиция мен жедел жәрдем қызметкерлері шұғыл жетті.
«Тергеу жүргізілуде. Жазатайым оқиға салдарынан 26 жастағы көру қабілеті нашар ер адам қайтыс болды. Оқиғаның мән-жайы анықталуда», - деді Алматы Полиция департаменті