Алматы мектептерінде балалардың психологиялық қауіпсіздігін қамтамасыз етуге бағытталған жаңа бағдарламалар енгізілуде, деп хабарлайды aqshamnews.kz
Алматы қаласында балаларды зорлық-зомбылықтан қорғау, суицидтің алдын алу және олардың құқықтарын қорғауға арналған 2023-2025 жылдарға арналған кешенді жоспар аясында мектептерде психологиялық қауіпсіздікті қамтамасыз ету мақсатында жаңа озық бағдарламалар енгізілуде.
2023-2024 оқу жылында № 209 және 117 мектептерде «KiVa» антибуллингтік бағдарламасы сәтті пилоттық жоба ретінде іске қосылды. Бұл бағдарлама оқушылар арасында буллингтің алдын алу және жоюға бағытталған, және бірнеше деңгейде жұмыс істей отырып, жанжалдарды шешу жолдарын қамтиды.
Сонымен қатар, қаланың алты пилоттық мектебі «ДосболLIKE» бағдарламасын жүзеге асыруда. Бағдарлама 1-11 сынып оқушыларын қамтиды және мектептерде қауіпсіз және қолдау көрсететін орта құруға ықпал ететін әлеуметтік-эмоционалды дағдыларды дамытуға бағытталған. Бағдарлама аясында мектеп педагогтері үшін буллингтің алдын алу бойынша семинарлар өткізіліп, оқушылардың жауапкершілігін арттыруға және денсаулығын нығайтуға бағытталған әдістемелік ұсынымдар әзірленді.