Алматыда қаладағы барлық мектеп оқушылары қосылған TopIQ.kz платформасы арқылы «Жеңіл портфель» жобасы сәтті жүзеге асты. Бұл туралы қала әкімі Ерболат Досаев білім беру қызметкерлерінің тамыз кеңесінде айтты, деп хабарлайды aqshamnews.kz.
Оның айтуынша, цифрлық оқулықтарды енгізу жаңартылатын ақпаратқа жылдам қолжетімділікті қамтамасыз етіп, оқу материалын түсінуді жақсартатын интерактивті элементтерді қамтыды және мектеп портфелінің физикалық салмағын азайтты.
Әзірлеушілердің дамуына көмектесу үшін жаңа оқу жылында пилоттық режимде жаңа жобаны – жасанды интеллект негізінде виртуалды репетиторды енгізу жоспарланып отыр, ол сәтті болса, жаппай қолданысқа енгізу көзделеді, деді Ерболат Досаев.
Сондай-ақ, балабақша педагогтері мен ата-аналарды әдістемелік қолдау үшін қалалық «AlmatyKids.kz» дамытушы цифрлық контенті жасалды, оған қаладағы барлық балабақша қосылған.
Айта кетейік, Алматыда 2024-2025 оқу жылының қарсаңында «Digital Kazakhstan: жаңа замандағы білім беру» тақырыбында педагогтардың қалалық тамыз саммиті өтіп жатыр.
Саммит педагогтердің кәсіби деңгейін арттыруға, білім беру саласындағы озық тәжірибе және жаңа технология алмасуға бағытталған.