Қыс басталысымен Алматы хайуанаттар бағында тіршілік қыза түсті — көпжылдық дәстүр бойынша үлкен тоғанға жабайы шүрегей үйректер ұшып келді, деп хабарлайды aqshamnews.kz
Тоған енді үйректер мен хайуанаттар бағының тұрақты тұрғындары — тау қаздары, сұқсыр үйректер және аққулар үшін ортақ үйге айналды. Жаңа қонақтарды күту үшін зообақ қызметкерлері олардың рационына қосымша дәнді-дақылдар қосуда.
«Су құстарын күніне екі рет тамақтандырамыз: таңертең және кешке. Олардың рационында құрама жем, сұлы, бидай, тары, нан, сәбіз, қырыққабат және салат бар. Алайда тамақтану тәртібі қатаң сақталады: алдымен біздің тұрақты тұрғындарымыз тамақтанады, содан кейін жабайы үйректер өз кезегін сабырмен күтеді», — деп хабарлады зообақ қызметкерлері.
• Видео: Алматы хайуанаттар бағы.