Алматы әкімдігінің басты басымдықтарының бірі – инженерлік инфрақұрылымды жаңғырту. Қазір Алмалы ауданындағы электр желісінің 81%-ы тозған. Бұл туралы аудан тұрғындарымен кездесуде қала әкімі Ерболат Досаев айтты,-деп хабарлайды Аlmaty-akshamy.kz
2022 жылы ауданда 566 апат тіркелді, ал биылғы жылдың алғашқы 2 айында ауданның электр желілерінде 15 апат болды.
«Былтыр ауданда 58,5 км электр желілері ауыстырылып, 60 қосалқы станция жаңғыртылды. Биыл тағы 50 км желі жаңартылып, 28 подстанция реконструкцияланады. Бұл аудандағы электр желілерінің орташа тозу деңгейін 81%-дан 61%-ға дейін төмендетеді», - деді қала әкімі.