Синоптиктер 27 қыркүйек, жұмаға арналған ауа райы болжамын ұсынды.
Солтүстік-батыс антициклон сілемі ҚР көп бөлігінде салқын, негізінен жауын-шашынсыз ауа-райын шарттайды. Тек елдің оңтүстігінде, оңтүстік-шығысында атмосфералық фронтальды бөлімдердің әсерінен найзағаймен жаңбыр жауады, түнде оңтүстік-шығыстың таулы аймақтарында жауын – шашын жауып, кей кездерде қатты жауын-шашын жауады (жаңбыр, қар). Республика бойынша жел күшейіп, түнгі және таңертеңгі сағаттарда тұман болады.
Батыс Қазақстан облысының солтүстігінде түнде 2 градус үсік күтіледі.
Ақтөбе, Қарағанды, Ұлытау, Жетісу, Батыс Қазақстан, Қызылорда, Жамбыл, Шығыс Қазақстан, Қостанай, Абай, Маңғыстау облыстарында өрт қаупі жоғары болады деп күтіледі.