Алматыда әлеуметтік сала өкілдерінің «Әділетті және Прогрессивті Қазақстанның Халықтық Конституциясы үшін!» жалпыұлттық коалициясы мүшелерімен кездесуі өтті, – деп хабарлайды aqshamnews.kz.
Диалог барысында қатысушылар әлеуметтік саланы дамытуға қатысты өзекті мәселелерді, қоғамдық бастамаларды және мемлекеттік институттарды одан әрі жетілдіру бағыттарын талқылады.
Кездесу «Шапағат» әлеуметтік қызметтер көрсету орталығында өтті. Негізгі назар ұсынылып отырған конституциялық өзгерістерді және олардың елдің одан әрі дамуы үшін маңызын талқылауға, сондай-ақ әлеуметтік сала өкілдерімен ашық диалог орнатуға аударылды.
ҚР Парламенті Сенатының депутаты Сұлтанбек Макежанов Конституцияны жаңғырту қазіргі заман талаптары мен қоғамның даму сұранысына байланысты екенін атап өтті.
Сенат депутаты Жанна Асанова жаңа Конституция әрбір азаматтың мүддесін ескеретін және қоғамдық келісімді нығайтуға ықпал ететін құжат болуы тиіс екенін айтты. Ол негізгі бағыттардың қатарында заң үстемдігін қамтамасыз ету және сот жүйесінің тәуелсіздігін одан әрі нығайтуды атады.
Өз кезегінде Сенат депутаты Нұрия Ниязова қоғаммен тұрақты кері байланыстың реформаларды табысты іске асыруда маңызды рөл атқаратынын атап өтті.
Талқылау барысында орталық қызметкерлері әлеуметтік саланы дамытуға қатысты мәселелерді көтеріп, қарастырылып отырған бастамалар жөнінде өз пікірлерін білдірді.
Мемлекет басшысының Жарлығына сәйкес жаңа Конституцияны қабылдау жөніндегі республикалық референдум 15 наурызға жоспарланған.