Еліміздің көк байрағы Reddit платформасында өткен онлайн дауыс берудің қорытындысы бойынша әлемдегі ең әдемі ту деп танылды, – деп хабарлайды aqshamnews.kz тілшісі.
Платформа қолданушылары Flags of the World деп аталатын турнирге қатысып, ең үздік мемлекеттік туды таңдаған. Дауыс беру барысында Қазақстанның туы ондаған елдің туынан басым түскен.
Жартылай финалда ол Сейшел аралдарының туын жеңсе, финалда Кирибати елінің туынан көп дауыс жинаған. Нәтижесінде турнирде:
екінші орынды – Кирибати туы,
үшінші орынды – Бутан туы,
төртінші орынды – Сейшел аралдарының туы иеленді.
Дауыс беруді ұйымдастырушылар қатысушылар Қазақстанның туын ұсынылған барлық тулардың ішіндегі ең үздігі деп таңдағанын атап өтті.
- Қазақстан – біздің чемпион! Сіздер дауыс беріп, бұл туды әлемдегі ең үздік ту деп таңдадыңыздар. Қатысқан жағдарға рақмет. Бұл үлкен, бірақ өте қызық жұмыс болды, – деп жазды ұйымдастырушылар.
Қазақстанның мемлекеттік туы 1992 жылғы 4 маусымда ресми түрде бекітілген.