"Қазгидромет" РМК синоптиктері елімізде 2024 жылдың 12, 13 және 14 қыркүйегіне арналған ауа райы болжамын ұсынды, деп хабарлайды aqshamnews.kz.
Метеорологтар ұсынған мәліметке сүйенсек, кең ауқымды антициклон республиканың басым бөлігінде өз әсерін сақтай отырып, ауа райының жауын-шашынсыз болуына әкеліп соғатынына қарамастан, солтүстіктің салқын ағындарының арқасында суық сезілетін болады.
"Нәтижесінде ауа температурасының төмендеуі күтілуде", деп жазылған "Қазгидромет" РМК баспасөз қызметінің хабарламасында.
Ал тек республиканың шығысы мен оңтүстік-шығысында атмосфералық фронтальды бөліктердің әсерінен жаңбыр жауады. Мамандар жауын арты түнде қарға айналуы мүмкін екендігін алға тартты.