"Қазгидромет" синоптиктері 10, 11 және 12 ақпанға арналған ауа райы болжамын жариялады, - деп хабарлайды aqshamnews.kz тілшісі.
Қазақстанның басым бөлігінде батыстан келетін циклон мен атмосфералық фронттардың әсерінен жауын-шашын күтіледі.
10–11 ақпанда елдің солтүстігі, солтүстік-батысы, оңтүстігі, оңтүстік-шығысы және орталығында, ал 11 ақпанда шығыс өңірлерде қатты жауын-шашын жаууы мүмкін.
Республика бойынша көктайғақ, боран, екпінді жел болжанады.
Батыс антициклонының ықпалы күшейіп, жауын-шашын тоқтап, күн суытады деп күтіледі:
- Солтүстік, солтүстік-батыс және орталықта түнде –22…–30°С, күндіз –15…–20°С дейін төмендейді;
- Шығыста түнде –13…–23°С, күндіз –12…–20°С;
- Оңтүстікте түнде –10…–20°С, күндіз –5°С-тан +5°С-қа дейін.