Басым бөлігінде тұрақсыз ауа райы болады.
«Қазгидромет» мамандары алдағы күндерге арналған ауа райы болжамын айтты, деп хабарлайды Almaty-akshamy.kz.
Синоптиктердің болжамы бойынша, батыс циклоны және онымен байланысты атмосфералық фронтальды бөліктер Қазақстан аумағының басым бөлігінде тұрақсыз ауа райын сақтайды.
«29-31 қазан аралығында елімізде жауын-шашын күтіледі, 30 қазанда Қазақстанның оңтүстігіндегі, оңтүстік-шығысындағы таулы аудандарда қатты жауын-шашын (жаңбыр, қар) болады. Республика бойынша желдің күшеюі, көктайғақ, тұман, батыста жаяу бұрқасын болады», - деп болжады синоптиктер.