Қазақстанда ластанған 10 қала газға немесе баламалы қуат көздеріне көшіріледі. Себебі еліміздегі экология мәселесі басты назарда болуы тиіс. Бұл туралы Тоқаев өзінің Жолдауында айтты, деп хабарлайды almaty-akshamy.kz
Сондай-ақ суды үнемдеу мәселесі де қозғалды.
«БҰҰ алдағы 10 жылдың ішінде жаһандық деңгейде су ресурсының тапшылығы болады деп болжам жасап отыр. 2030 жылға қарай су тапшылығының көлемі 40% жетуі мүмкін. Сондықтан жаңа технологиялармен цифрландыру арқылы суды үнемдеуге көшуіміз керек. Су тапшылығын жоюдың басқа жолы жоқ. Бұл – аса маңызды міндет. Үкімет су пайдалануды реттеу және оны үнемдеу технологиясын енгізу жұмысын ынталандыру үшін нақты шешімдер әзірлеуі тиіс», – деді Қасым Жомарт Тоқаев.
Алдағы бес жылда халық 100 пайыз таза ауыз сумен қамтамасыз етіледі.
«Өңірлерді дамытудың ұлттық жобасы аясында 5 жыл ішінде халықтың 100% таза ауыз сумен қамтамасыз етуді тапсырамын! Бұл – Үкіметтің алдында тұрған басты міндет», – деді Мемлекет басшысы.
